Саралаш қоидалари

2012 йилги Олий лига ўйинлари учун бўладиган саралаш ўйинлари қоидалари

"Заковат" интеллектуал ўйинларининг 2012 йилги Олий лига ўйинлари учун бўладиган саралаш ўйинларида 8 та жамоа Олий лига учун бериладиган 5 та ўрин учун кураш олиб борадилар. Саралаш ўйинлари экран орқали намойиш этилиб сентабрь-декабрь ойларида бўлиб ўтади.

Кузги саралаш ўйинларида ўтган саралаш ўйинлари натижасига кўра тузилган рейтинги қуйи жамоадан юқори жамоага қадар бир маротабадан асосий столда ўйин бўлиб ўтади. Қолган пайтда  ҳар бир жамоа асосий стол атрофида очко тўплашга  ҳаракат қилишади.

Жамоаларнинг очко тўплаш қоидаси қуйидагича:

Агар асосий ўйин столида ўтирган жамоа берилган саволга тўғри жавоб берса фақат ва фақат шу жамоага очко берилади.

Агарда ўйин столида ўтирган жамоа берилган саволга нотўғри жавоб берса, қолган 7та жамоалардан қайси бири тўғри жавоб берганлигига қараб, айнан шу жамоаларнинг шахсий ҳисобига очко ёзилади. Аммо марказий ҳисобга четда турган жамоалар очкоси қўшилмайди.

Кузги саралаш ўйинларининг ҳар бир турида асосий ўйин столида ўтирган жамоа бир дақиқадан сўнг берилган саволга жавоб берса, қолган 7 та жамоа ўз жавобларини махсус варақага ёзган ҳолда савол учун берилган дақиқанинг 50 сониясида ҳакамлар ҳайъатига етказиши зарур. Ҳакамлар ҳайъатига ўз вақтида етиб бормаган жавоб варианти тўғри бўлса ҳам қабул қилинмайди.

Жамоа сардорларида ҳакамлар ҳайъати томонидан қабул қилинмаган жавоб варианти учун ўйиндан сўнг аппелация тақдим этиш ҳуқуқи мавжуд. Агар аппелация натижасида жамоа жавоб варианти қабул қилинса, шу жамоага очко берилади, агарда қабул қилинмаса жамоа очколари сони ўзгармай қолади. Аппелация жараёни экран орқали намойиш этилмайди.

Кузги саралаш ўйинларининг ҳар бир тури аввалида ўйин бошловчиси томонидан жамоаларнинг олдинги турлардаги барча натижалари эгаллаган ўринлар билан эълон қилинади.

Кузги саралаш ўйинлари жами 8 тур натижасига кўра юқорида таъкидлаб ўтилганидек, Олий лига йўлланмасини қўлга киритган 5 та бахтли жамоаларни аниқлаб беради.